صفاء يا حبيبتي يا بنتي يا نور عيني 
يا بنت وفاء الغاليه تؤام سنيني 
دي النونو اللي شلتها علي إيدي 
الليله بفرح بيها وإيد أختي في ايدي

كبرت البنوته بسرعه أوام 
ده وهي صغنونه تملي فحضني تنام 
تعيشي وتتهني لسنين أدام 
ده مهما قلت فيكي مش هوفي كلام 
  
--------------  
الليله جايه علشانك 
من اخر الدنيا جيالك
افرح واغني وابارك 
دي لحظه اتمنتها سنين

ملكه الليله يا جمالك
قمر يا روحي الله يبارك 
يا صفاء بقلبي دعيالك 
الله يحميكي من العين 

من يوم ماكنتي في حضني
وأنا بحلم افرح بيكي بدري
وابوس خدودك الوردي 
يطمن قلبي و يرتاح 

يا صفاء يا اغلي ماليا 
يا اقرب بنوته ليا 
يا حبيبه قلبي وعينيا 
ليلتك دي بدايه الافراح 
................

صفصف دي حته من قلبي مكانها كبير 
لو مره ماما شدت ليا انا تأثير 
تكلمني وتحكيلي من غير تفكير  
بحبها هي واخواتها حقيقي كتير 

وفاء يا اختي يا اصيله يا اطيب قلب 
شلتي حمل كبير عيشتلهم أم و أب 
ربنا عوض تعبك وفرحتي بيهم 
وبكره تشيلي ولادهم وسوا نربيهم 

مصطفي خد بالك منها 
خطيبتك دي مفيش في مثالها
اوعا في مره تزعلها 
ليها محمد وعبد الرحمن

ليلتكوا دي احلي ليله 
جمعتوا الصحبه والعيله
حماتك طيبه واصيله
وانا هبقا ليك حما كمان 
----------